Sansar News
दमौली । नेपाली कांग्रेसका वरिष्ठ नेता रामचन्द्र पौडेलले कांग्रेसका बारेमा जनतालाई बुझाउन हरेक नेता तथा कार्यकर्ताले अध्ययन, चिन्तन र मनन गर्नुपर्ने बताएका छन् । वरिष्ठ नेता पौडेलले कांग्रेस व्यास नगरपालिका-२ ले आज दमौलीमा आयोजना गरेको भेलालाई सम्बोधन गर्दै यस्तो बताएका हुन् ।
नेता पौडेलले कांग्रेसले गरेका कामका बारेमा जनतालाई जानकारी गराएर आगामी निर्वाचनमा मत माग्नुपर्ने बताए । उनले कांग्रेसले सरकारको नेतृत्व गर्दा गरेका कामका बारेमा जनतालाई जानकारी गराउनु पर्ने बताए ।
नेता पौडेलले विपक्षी दलहरुले जनतालाई भ्रममा पार्ने कोसिस गरिरहेको छन् भन्दै त्यस्ता भ्रमलाई कांग्रेसले चिर्नसक्नु पर्ने समेत बताए ।
वि.सं.२०७८ चैत १० बिहीवार १३:०६ मा प्रकाशित
