हामी सबैकाे संसारन्यूज

१३ फागुन, काठमाडौँ । साताको पहिलो दिन सेयर बजार नेप्सेमा ४१ अकंले पहिरो गएको छ । आज सेयर बजार ४१ दशमलब ४३ अकंले घटेर २५७२ दशमलब २३ विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ९ दशमलब ५५ अकंले घटेर ४७९ दशमलब ३९ विन्दुमा पुगेको छ ।

आज कुल सूचिकृतमध्ये २३२ कम्पनीको ४ अर्ब ९८ करोड ९५ लाख १४ हजार ४१५ रुपैंया बराबरको ८९ लाख २३ हजार १४ कित्ता सेयर किनबेच भएको छ । तिनको कारोबारमा ६२ हजार १ सय ६४ पटक लेनदेन भएको हो ।

कारोबार रकमको आधारमा अपी पावर, गुराँस लाईफ इन्स्योरेन्स, एभरेष्ट इन्स्योरेन्स, सूर्या लाइफ इन्स्योरेन्स, लाइफ इन्स्योरेन्स कर्पोरेशन लगायतका कम्पनीहरु शिर्ष स्थानमा रहे भने कारोबार संख्याको आधारमा अपी पावर, गुराँस लाईफ इन्स्योरेन्स, एभरेष्ट इन्स्योरेन्स, सूर्या लाइफ इन्स्योरेन्स, रिलायन्स लाइफ इन्स्योरेन्स लगायतका कम्पनीहरु शिर्ष स्थानमा रहे ।

सबै भन्दा धेरै गुमाउनेमा मल्टीपर्पस फाइनान्स, नारायणी डेभलपमेन्ट बैंक, नेरुड लघुवित्त, मञ्जुश्री फाइनान्स, युनाईटेड मोदी हाईड्रोपावर लगायतका कम्पनीका लगानीकर्ताहरु परेका छन ।