Sansar News
काठमाडौं । प्राइम कमर्सियल बैंकले निष्काशन गरेको डिबेन्चरमा पर्याप्त माग नआएपछि निष्काशनको मिति थपिएको छ ।
बैंकले एक सूचना जारी गर्दै आवेदनका लागि म्याद थप गरिएको जनाएको हो । बैंकको ‘१०% प्राइम डिबेन्चर २०८८’ मा चैत २१ सम्म आबेदन दिन पाउने गरि निष्कासन गरीएपनि पर्याप्त आबेदन नपरेपछि म्याद थप गरीएको हो ।
चैत १६ गतेदेखि निष्काशन गरिएको डिबेन्चरमा अब चैत ३० गतेसम्म आबेदन दिन सकिने सूचनामा उल्लेख गरिएको छ ।
सिडीएससीका अनुसार प्रति इकाई १००० रुपैयाँका दरले निष्काशन गरिएको २५ लाख इकाईमा १५ हजार ५९१ आवेदकले ७ लाख ७१ हजार २२ इकाईको लागि आबेदन दिएका छन् ।
२५ लाख इकाई मध्ये १० लाख इकाई सर्वसाधारणको लागि छुट्याइएको छ भने १५ लाख इकाई संस्थाहरुको लागी छुट्याइएको छ । सर्वसाधारणलाई छुट्याइएको मध्ये ५ लाख इकाई म्युचुअल फण्डको लागि छुट्याइएको हो ।
प्राइम बैंकको डिबेन्चर २०८८ मा परिपक्व हुनेछ भने यसले इकाईधनीलाई बार्षिक १० प्रतिशत प्रतिफल दिनेछ ।
सूचना:
वि.सं.२०७८ चैत २२ मंगलवार १३:४९ मा प्रकाशित
