Sansar News
काठमाडौं । नेकपा एमालेले निर्वाचन आयोग समक्ष निर्वाचन आचारसंहिता ६ बुँदे असहमति पत्र बुझाएको छ ।
निर्वाचन आयोगको आचारसंहिताप्रति असहमति जनाउदै आएको एमालेका महासचिव शंकर पोखरेलको नेतृत्वमा निर्वाचन आयोगमा पुगेको टोलीले आयुक्त दिनेश थपलियालाई उक्त ६ बुँदे असहमतिपत्र बुझाएका हुन् ।
‘दफा ५ मा भएको कुर्नपनि तहको कार्यपालिकाको सदस्य, मन्त्री तथा प्रधानमन्त्री आफ्नो निर्वाचन क्षेत्रबाहेक कुनै दलको पक्ष वा विपक्षमा प्रचार–प्रसारमा संलग्न हुन नपाउने व्यवस्था अनुपयुक्त छ,’ एमालेले बुझाएको सहमतिपत्रको बुँदा नं ५ मा भनिएको छ, ‘मन्त्री वा प्रधानमन्त्री या कार्यपालकिा कुनै सदस्यलाई काममा पक्षपात गर्ने छुट हुन्न तर उनीहरुको बैचारिक र दलीय आवद्धतामा अंकुश लगाउन मिल्दैन । यस प्रावधान निर्वाचित जनप्रतिनिधिको नैसर्गिक तथा संबैधानिक÷कानुनी हक प्रतिकूल छ । यो निर्वाचनको सिद्धान्त र संविधानमा भएको राजनीतिक दल विचको प्रतिश्पर्धाको सिद्धान्त विपरीत समेत छ ।’
निर्वाचन आयोगले मंगलबार निर्वाचनमा सहभागी हुने ७९ दललाई स्थानीयतहको निर्वाचनको आचारसंहिता पालना गर्ने विषयमा लिखित प्रतिबद्धता जनाउन बैठक बोलाएको थियो । बैठकमा सहभागी भएपनि एमालेले छलफलै नगरी हस्ताक्षर गर्न लगाइएको भन्दै हस्ताक्षर नगरी बाहिरीएको थियो ।
यस्तो छ अन्य पत्र
वि.सं.२०७८ चैत २४ बिहीवार १४:४९ मा प्रकाशित
