Sansar News
काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले स्थानीयतहको निर्वाचनमा भाग लिनका लागि निर्वाचन आयोगमा पुगेका छन् ।
सो पार्टीका प्रवक्ता खड्ग बहादुर विश्वकर्मा ‘प्रकाण्ड’ को टोली आज निर्वाचन आयोगमा पुगेका हुन् ।
आयोगमा उनीहरुले प्रमुख निर्वाचन आयुक्त दिनेश थपलियालाई भेटेका हुन् । निर्वाचन आयोगको कार्यालयबाट बाहिरीने क्रममा प्रवक्ता विश्वकर्माले आफुहरुले निर्वाचनमा भागलिने बताउँदै परामर्शका लागि आयोगमा आएको बताएका थिए ।
सो पार्टीको केहीदिन अघि बसेको बैठकमा विप्लव लगायतका केही नेताहरुले चुनावलाई उपयोग गरेर जाने बताएका थिए भने अधिकांश नेताहरुले चुनावमा जाने प्रस्ताव क्रान्ति विरोधी भएको भन्दै त्यसको विपक्षमा मत राखेका थिए ।
वि.सं.२०७८ चैत २४ बिहीवार १६:३० मा प्रकाशित
