हामी सबैकाे संसारन्यूज

काठमाडौं । नेत्र विक्रम चन्द विप्लव नेतृत्वको नेपाल कम्युनिष्ट पार्टीले अमेरिकी सहयोग परियोजना एमसीसी संझौंता पारित गराउन र लागु गराउन जबरजस्त गर्ने विरुद्ध प्रभावकारी जनसंघर्ष संचालन गर्ने निर्णय गरेको छ ।

पार्टीको हालै सम्पन्न केन्द्रीय समितिको १२ औं बैठकले एमसिसिले अधिकरण गरेको जमिन जनताको संघर्षको बलमा रोक्नका लागि सम्बन्धीत जिल्लाहरुले व्यापक तयारी गर्ने निर्णय समेत गरेको छ ।

त्यसैगरी सोहि बैठकले पार्टीभित्र आर्थिक अराजकता निम्त्याउने, हिनामिना गर्ने र पार्टी नेतृत्वको दुरुपयोग गर्ने प्रवृत्ति, पात्र र गतिविधिलाई वन्देज लगाउने, सवै केन्द्रीय सदस्यहरुले आफ्नो सम्पत्ति विवरण छिट्टै केन्द्रीय कार्यालयमा पठाउनुपर्ने, हरेक जिल्लामा भएको पार्टी सम्पत्ति पार्टीको नियन्त्रणमा ल्याउने, उक्त योजनाबाट अर्थ सहकारीलाई संचालनमा ल्याउने तथा पार्टीको नाममा व्यक्तिले पैसा उठाएर उपचलन गरेको तथा लथालिङ गरेको सम्पत्ति पार्टीले असुल्ने निर्णय समेत गरेको छ ।