हामी सबैकाे संसारन्यूज

काठमाडौं । आइ.सि.एफ.सि. फाइनान्स लिमिटेडले झापा, विर्तामोड नगरपालिका वडा नं. ०४, विर्तामोडमा आफ्नो २१ औं शाखा सञ्चालनमा ल्याएको छ ।

उक्त संस्थाको उद्घाटन विर्तामोड नगरपालिकाका मेयर ध्रुवकुमार सिवाकोटीले गरेका छन् । उद्घाटन कार्यक्रममा विर्तामोड उघोग वाणिज्य संघका उपाध्यक्ष राजु न्यौपाने, फाइनान्सका सञ्चालक सुशिलकुमार अर्याल, प्रमुख कार्यकारी अधिकृत सुनिल पन्त, नायव प्रमुख कार्यकारी अधिकृत अमित श्रेष्ठ तथा नायव महाप्रबन्धक लक्ष्मणप्रसाद जैसीकोे उपस्थिति रहेको थियो ।

आइ.सि.एफ.सि.फाइनान्सले मोबाइल बैकिङ, इन्टरनेन्ट बैकिङ, लकर सेवा, ३६५ दिन बैकिङ सेवा, ए.टि.एम कार्ड, आस्वा सेवा, डिम्याट सेवा, रेमिटेन्स सेवा, विभिन्न प्रकारका कर्जा सुविधा तथा अन्य सम्पूर्ण अत्याधुनिक बैकिङ सुविधाको साथमा विगत १८ बर्ष देखि आफ्नो ग्राहकलाई बैकिङ सुविधा प्रदान गरिरहेको छ ।