हामी सबैकाे संसारन्यूज

काठमाडौं । सिवाईसी नेपाल लघुवित्तले आजदेखि सर्वसाधरणका लागि आईपीओ विक्रि खुला गरेको छ । लघुवित्तले आज एक सूचना जारी गर्दै साधारण शेयर जारी गरेको जनाएको हो ।

कम्पनीले प्रतिकित्ता १ सय रुपैयाँ अङ्कित ३ करोड ९५ लाख ३३ हजार ६ सय रुपैयाँ बराबरका ३ लाख ९५ हजार ३३६ कित्ता साधारण शेयर निष्कासन तथा बिक्री खुला गरेको हो ।

कुल निष्कासनमध्ये ५ प्रतिशत अर्थात १९ हजार ७६६ कित्ता शेयर सामूहिक लगानी कोष र जारी पुँजीको ०.५ प्रतिशत अर्थात ६ हजार ८२ कित्ता कर्मचारीलाई सुरक्षित गरिएको छ । बाँकी रहेको ३ लाख ६९ हजार ४८८ कित्ताका लागि सर्वसाधारणले आवेदन दिन सक्ने सूचनामा उल्लेख छ ।

सर्वसाधारणले न्यूनतम १० कित्तादेखि अधिकतम १ हजार कित्ता शेयर खरिदका लागि आवेदन दिन सक्ने सूचनामा जनाईएको छ । आवेदन अवधि छिटोमा वैशाख ६ गते र ढीलोमा १६ गतेसम्म आवेदन दिन सकिने सूचनामा उल्लेख छ । कम्पनीको निष्कासन तथा बिक्री प्रबन्धकमा ग्लोबल आईएमई क्यापिटल रहेको छ ।

सूचना: