हामी सबैकाे संसारन्यूज

गोर्खा । गोर्खाको सहिद लखन गाउँपालिका वाडा नं. ३ मा रहेको श्री मनकामना मा.वि.को आडैमा कानुन विपरित मनकामना होलीभिजन एकेडेमी नामक निजी विद्यालय सन्चालनमा रहेको छ ।

पालिकास्रोतका अनुसार उक्त स्कुल नेकपा एमाले सहिद लखन गाउँपलिका अध्यक्षसमेत रहेका मनोज जोशीको स्वामित्वमा रहेको छ । विद्यालय सन्चालन मापदण्ड अनुसार पनि एक विद्यालयदेखि अर्को विद्यलयको दुरी कम्तीमा ५०० मीटर हुनुपर्ने व्यवस्था छ । तर उक्त विद्यालय भने सरकारी स्कूलसंगै टाँसिएकाे छ ।

अध्यायन गर्दैछौं आवस्यक कार्वाही गछौंः प्रमुख शिक्षा शाखा, सहिद लखन गाउँपालिका

विद्यालय के–कसरी सन्चालन भैरहेको छ भनेर अध्ययन भैरहेको सहिद लखन गाउँपलिका शिक्षा शाखाले जनाएको छ । पालिकाको शिक्षा शाखा प्रमुख राजेन्द्र खनालकाले उक्त विद्यालय कसरी र कहिलेदेखि सन्चालनमा आएको हो, अध्ययन गरेर चाडैं नै आवस्यक निर्णय गरिने बताए ।

संचालकहरु धेरै छन् स्कूल एक जनाको नाममा छ, नाम भन्न मिल्दैनःजोशी

३०–३५ जनाको लगानी भए पनि स्कूल एक जनाको नाममा रहेको तर संचालकको नाम भन्न नमिल्ने मनोज जोशीले बताए ।
‘२०–२२ वर्ष अगाडी दुईवटा स्कूल मर्ज भएर उक्त विद्यालयको स्थापना भएको हो ।’ जोशीले भने, ‘त्यसमा ३०–३५ जना साथीहरुको लगानी र रोजगारी जोडिएको छ ।’

जोशीले विद्यलाय चाडैनै स्थान्तरण गरिने बताए । ‘उपर्युक्त ठाउँको खोजी भैरहेको छ,’ जोशीले भने, ‘ठाउँ भेटीने बित्तिकै स्थान्तरण हुन्छ ।’

विद्यालयमा आफ्नो लगानी रहेको कुरा झुटो भएको जोशीकाे भनाइछ ।