हामी सबैकाे संसारन्यूज

काठमाडौं । विश्व स्वास्थ्य संगठन (डब्ल्युएचओ)का महानिर्देशक डा. टेड्रोस अधानोम गेब्रेयसस काठमाडौं आइपुगेका छन् । महानिर्देशक गेब्रेयसस स्वास्थ्य तथा जनसंख्या मन्त्री विरोध खतिवडाको निमन्त्रणामा आज काठमाडौं आएका हुन् ।

महानिर्देशक गेब्रेयससलाई स्वास्थ्य तथा जनसंख्या मन्त्रालयका सचिव डा. रोशन पोखरेलले स्वागत गरेका थिए । उनका साथ डब्ल्युएचओका दक्षिण पूर्व एशिया क्षेत्रीय कार्यालयका क्षेत्रीय निर्देशक डा.पुनम  क्षेत्रपाल सिंह र डब्ल्यूएचओका अन्य पदाधिकारीहरु समेत रहेका छन् । डब्ल्यूएचओको प्रतिनिधि मण्डलको सम्मानमा आजै बेलुकी स्वास्थ्य मन्त्री खतिवडाले आयोजना गरेको रात्रिभोजमा महानिर्देशक गेब्रेयसस सहभागी हुने छन् ।

तीनदिने भ्रमणका क्रममा महानिर्देशक गेब्रेयससले राष्ट्रपति विद्यादेवी भण्डारी, प्रधानमन्त्री शरेबहादुर देउवा, राष्ट्रियसभाका अध्यक्ष गणेशप्रसाद तिमल्सिना, परराष्ट्रमन्त्री डा.नारायण खड्का र स्वास्थ्य तथा जनसंख्या मन्त्री विरोध खतिवडासँग शिष्टाचार भेटघाट गर्ने कार्यक्रम रहेको छ । गेब्रेयसस नेतृत्वको टोली वैशाख १० गते नेपालबाट फर्कने कार्यक्रम छ ।