Sansar News
काठमाडौं । नेपाली कांग्रेस काठमाडौंले काठमाडौं महानगर पालिकाको मेयरमा पाँचजनाको नाम सिफारिस गरेको छ ।
नेपाली कांग्रेसको महानगर समितिले महानगरपालिकाको मेयर पदका लागि नीलकाजी शाक्य, सिर्जना सिंह, हरिप्रभा खड्गी श्रेष्ठ, सुशन वैद्य र प्रगतिमान रञ्जितको नाम सिफरिस गरेको हो ।
यसअघि मेयर पदमा सिर्जना सिंहको नाम मात्र चर्चा चलाइएपनि समितिले बिहीबार उनीसहित पाँचजनाको नाम सिफारिस गरेको हो । सिफारिस गरिएका मध्ये हरिप्रभा खड्गी महानगरपालिकाकी वर्तमान उपप्रमुख हुन् ।
त्यसैगरी समितिले महानगरको उपप्रमुख पदमा सुशीला ढकाल र प्रा.डा. अमित प्रधान शाक्यको नाम सिफारिस गरेको बताइएको छ ।
वि.सं.२०७९ वैशाख ८ बिहीवार १४:०७ मा प्रकाशित
