Sansar News
काठमाडौं । पर्वत काठमाण्डौ संपर्क समन्वयको बैठकले दिपक तिवारीको संयोजकत्वमा निर्वाचन परीचालन समिति गठन गरेको छ ।
अध्यक्ष शीवलाल पुरीको प्रस्तावमा कार्यवाहक अध्यक्ष बने लगत्तै तिवारीको संयोजकत्वमा १०१ सदस्यीय निर्वाचन परिचालन समिति बनेको हो ।
समितिका सल्लाहाकार नीलकण्ठ तिवारी,मनहरी तिमिल्सीना, भीमनाथ रेग्मी, चोकनारायण काफ्ले तथा उपाध्यक्ष मोती सुवेदी लगायतका पदाधिकारीको उपस्थितीमा सम्पन्न बैठकले नेकपा (माओवादी केन्द्र) तथा गठबन्धनका उम्मेदवारलाइ जिताउन सक्रिय हुने र बिभिन्न भूमिका पूरा गर्ने निर्णय गरेको छ ।
यसअघि बिकास सोनी लगायतको उपसमितिले तयार गरेको क्यालेण्डर बिमोचन तथा मोती सुवेदीको संयोजकत्वमा भएको शुभकामना आदान प्रदान कार्यक्रममा माओवादी नेता दीनानाथ शर्मा लगायतको उपस्थिती रहेको थियो ।
पर्वतको फलेवास नगरपालिका घर भएका तिवारी बिद्युत् क्षेत्रका ज्ञाता र बिकासवादी समाजिक अभियन्ताका रुपमा समेत स्थापित छन । नेपालको परीवर्तनकारी राजनैतिक दल माओवादी केन्द्रलाई शसक्त पार्न आफ्नो क्रियाशिलता बढाउने साथै असारभित्र ब्यापक भेला गरेर सम्मेलन सम्पन्न गर्ने प्रतिबद्धता उनले ब्यक्त गरेका छन ।
वि.सं.२०७९ वैशाख १० शनिवार १४:२७ मा प्रकाशित
