हामी सबैकाे संसारन्यूज

पाल्पा । नेकपा एमालेले पाल्पाले पाल्पाका १० स्थानीयतहमा उम्मेदवारको टुंगो लगाएको छ ।

आगामी बैशाख ३० गते हुने स्थानीयतहको निर्वाचनका लागि पाल्पाको तानसेन नगरपालिकाको मेयर पदमा जिल्ला अध्यक्ष अध्यक्ष धनेन्द्रराज घिमिरे र उपमेयरमा शशि श्रेष्ठको नाम टुंगो लगाएको छ ।

त्यसैगरी रामपुर नगरपालिकाको प्रमुखमा शिव अर्याल, उपाध्यक्षमा दुर्गा राना, निस्दी गाउँपालिका अध्यक्षमा मुक्त बहादुर सारु र उपाध्यक्षमा तीरण श्रेष्ठ, पूर्वखोला गाउँपालिकाको अध्यक्षमा नुनबहादुर थापा र भागिरथी भट्टराई उम्मेदवार बनेका छन् । थापा र भट्टराई पूर्व जनप्रतिनिधि हुन् ।

त्यस्तै रम्भा गाउँपालिकामा विष्णुप्रसाद भण्डारी र राधादेवी श्रेष्ठ, बगनासकाली गाउँपालिकाको अध्यक्षमा सरस्वती दर्लामी चिदी उपाध्यक्षमा हरि पाठक, तिनाउ गाउँपालिका अध्यक्षमा प्रेम श्रेष्ठ र उपाध्यक्षमा सावित्रा रानालाई उम्मेदवार बनाएको छ ।

त्यसैगरी माथागढी गाउँपालिका अध्यक्षमा यम चिदी र उपाध्यक्षमा विष्णु लुङ्चेलाई उम्मेदवार बनाएको छ । साथै रैनादेवी छहरा गाउँपालिकाका अध्यक्षमा रामबहादुर राउत र उपाध्यक्षमा गीता भट्टराई घिमिरे उम्मेदवार बनाइएको छ ।

त्यस्तै रिब्दीकोट गाउँपालिकाकोअध्यक्षमा नारायण बहादुर जिसी र उपाध्यक्षमा लक्ष्मी खनाललाई उम्मेदवार बनाउने निर्णय गरेको छ ।
पालिकाको वडा नं ४ को अध्यक्षमा तेज बहादुर पोखरेल र सदस्यहरुमा इशा गौतम, विष्णुमाया बोहोरा, मिना श्रेष्ठ र सुमन पोखरेललाई उम्मेदवार बनाउने निर्णय गरिएको छ ।