Sansar News
काठमाडौं । नेपाली कांग्रेसले रुपन्देहीको एक उपमहानगरपालिकासहित पाँच नगरपालिकाको मेयर उम्मेदवार टुंगो लगाएको छ ।
कांग्रेस प्रदेश समितिको आइतबार बसेको बैठकले बुटवल उपमहानगरपालिकाको मेयरमा नगर सभापति खेलराज पाण्डेयको नाम टुंगो लगाएको छ ।
त्यसैगरी सैनामैना नगरपालिकाको मेयरमा फणिन्द्र शर्मा,तिलोत्तमा नगरपालिकाको मेयरमा जिल्ला पार्टी सभापति रामकृष्ण खाँण, देवदह नगरपालिकामा हिरा केसीको नाम टुंगो लगाएको छ । केसी वर्तमान मेयर हुन् ।
त्यस्तै सिद्धार्थनगर नगरपालिकाको मेयरमा इस्तियाक अहमद खान लुम्बिनी सांस्कृतिक नगरपालिकाको मेयरमा सिरजुद्दिन मुसलमानलाई उम्मेदवार बनाउने निर्णय गरेको छ ।
यसअघि पाँचदलीय सत्तारुढ गठबन्धनबीच भएको भागवण्डामा नेपाली कांग्रेसले बुटवल उपमहानगरको मेयर र एकिकृत समाजवादीले उपप्रमुख पदमा सहमति भएको थियो ।
वि.सं.२०७९ वैशाख १२ सोमवार ०९:०२ मा प्रकाशित
