Sansar News
काठमाडौं । नेपाल राष्ट्र बैंकले बैंकको संख्या घटाउनु पर्ने अध्ययन सार्वजनिक गरेको छ । बैंकको अनुसन्धान विभागले गरेको एक अध्ययनले बैंकको संख्या घटाउनु पर्ने निष्कर्ष निकालेको हो ।
सर्वेक्षणका आधारमा तयार पारिएको अध्ययनमा बैंकको संख्या १५ वटा भए पुग्ने उल्लेख छ । हाल नेपालमा बाणिज्य बैंकको संख्या २७ रहेको छ । जसमध्ये तीन वटा सरकारी स्वामित्वका छन् भने आधा दर्जन बैंक विदेशी संयुक्त लगानीको रहेको छ ।
बैंकले अध्ययनको सर्भेको लागि कुल २३० जना छनौट गरेको थियो । जसमा १४० जना बैंक तथा वित्तीय संस्थामा आवद्द थिए भने ९० जना विज्ञहरु थिए । बैंकका अनुसार १४० जनामा बैंक तथा वित्तीय संस्थाका सीइओ, डेपुटी सीइओ, कार्यबाहक सीइओ, संचालक, र अन्य उच्च ब्यबस्थापक रहेका थिए ।
वि.सं.२०७९ वैशाख १२ सोमवार १२:५८ मा प्रकाशित
