Sansar News
पाँचथर । आठ दिनदेखि वेपत्ता भएका प्रहरी हवल्दार मृत भेटिएका छन् ।
इलाका प्रहरी कार्यालय यासोक पाँचथरमा कार्यरत खगेन्द्र श्रेष्ठ आइतबार बेलुकी मृत भेटिएको पाँचथर प्रहरीले जनाएको छ ।
जिल्ला प्रहरी कार्यालय पाँचथरका डीएसपी राकेश थापाका अनुसार कुम्मायक गाउँपालिका–१ को ओर्दिनमा हवल्दार श्रेष्ठ मृत भेटिएका हुन् ।
बैशाख ३ गतेदेखि हराएका श्रेष्ठको आत्महत्या हो कि हत्या भन्ने खुल्न नसेकेको र अनुसन्धान जारी रहेको बताइएको छ । उनको शब पोष्टमार्टमका लागि जिल्ला अस्पताल लगिएको छ ।
वि.सं.२०७९ वैशाख १२ सोमवार १५:२५ मा प्रकाशित
