हामी सबैकाे संसारन्यूज

काठमाडौं । सरकारले सातामा दुई दिन सार्वजनिक बिदा दिने निर्णय गरेको छ।

मंगलबार बसेको मन्त्रिपरिषद् बैठकले जेठ १ गतेदेखि लागु हुने गरी सातामा दुई दिन बिदा दिने निर्णय गरेको सरकारका प्रवक्ता सञ्चार तथा सूचना प्रविधि मन्त्री ज्ञानेन्द्र कार्कीले जानकारी दिए।

सार्वजनिक बिदा दुई दिन दिने निर्णय गरेसँगै सरकारले कार्यालय समय भने बढाएको छ । प्रवक्ता कार्कीका अनुसार अब कार्यालय समय बिहान ९ बजेर ३० मिनेटदेखि साँझ साढे ५ बजेसम्म हुनेछ ।

परीक्षणका रूपमा अहिले पनि दुई दिन बिदा दिने निर्णय लागु हुने कार्कीले बताए। निर्णयअनुसार अब शनिबार र आइतबार दुई दिन बिदा हुनेछ।

नेपाल आयल निगमको समेत सुझाबका आधारमा सरकारले सातामा दुई दिन बिदाको निर्णय गरेको हो । पेट्रोलियम पदार्थ महंगो हुँदा र विदेशी मुद्रा सञ्चितिमा दबाब परेपछि आयल निगमले हप्तामा दुई दिन बिदा दिन प्रस्ताव राखेको थियो।