Sansar News
काठमाडौं । यहि बैशाख ३० गते हुने स्थानीयतहको निर्वाचनका लागि माओवादी केन्द्रबाट उम्मेदवार बनेका तेन्जिङ छेसाङ तामाङ अन्तिम समयमा एमालेमा प्रवेश गरेका छन् ।
माओवादी केन्द्र गोसाइँकुण्ड गाउँपालिकाका इन्चार्ज तथा सोहि गाउँपालिकाबाट स्थानीयतहको निर्वाचनका लागि उम्मेदवारी मनोनयन दर्ता गराइसकेका तामाङ अन्तिम समयमा आएर एमालेमा प्रवेश गरेका हुन् ।
बिहीबार आयोजित एक कार्यक्रमका बीच तामाङलाई एमालेका नेताहरुले पार्टीमा स्वागत गरेका थिए । प्रवेश कार्यक्रममा तामाङले एमाले नै शसक्त पार्टी भएकोले एमालेमा प्रवेश गरेको बताएका थिए । उनले उम्मेदवारी फिर्ता लिने समेत बताएका छन् ।
वि.सं.२०७९ वैशाख १६ शुक्रवार ०८:४४ मा प्रकाशित
