Sansar News
काठमाडौं । नेपालका एक बरिष्ठ बामपन्थी नेताको निधन भएको छ ।
नेपाली कम्युनिष्ट आन्दोलनको पहिलो पुस्ताका नेता लक्ष्मीभक्त उपाध्यायको गएराती नर्विक अस्पताल थापाथलीमा निधन भएको हो ।
पूर्वप्रधानमन्त्री, नेकपा समाजवादीका अध्यक्ष तथा पुष्पलाल स्मृति प्रतिष्ठानका अध्यक्ष समेत रहेका माधवकुमार नेपालले पुष्पलाल स्मृति प्रतिष्ठानको वरिष्ठ उपाध्यक्ष रहेका लक्ष्मीभक्त उपाध्यायको निधनमा शोक बक्तब्य जारी गरेका छन् ।
उनले जेष्ठ कम्युनिष्ट मंचको सदस्यका रुपमा सम्बोधन गर्दै सिङ्गो पार्टी पंक्ति स्तब्ध भएको समेत बताएका छन् ।
यसैगरी पुष्पलाल स्मृति प्रतिष्ठानका उपाध्यक्ष तथा पुष्पलाल अध्ययन समाजका अध्यक्ष लोककृष्ण भटराईले उपाध्यायको निधनबाट आफु स्तब्ध भएको बताउदै उनको अविष्मरणीय योगदानप्रति उच्च सम्मान ब्यक्त गरेका छन ।
नेपाल कम्युनिष्ट पार्टीका संस्थापक पुष्पलालसँग २००८ सालदेखि सहयात्राका क्रममा आबद्ध भएका नेता उपाध्यायले २००७ सालको जनक्रान्तिमा पनि मुक्ति सेनाको रूपमा भाग लिएका थिए । नेपालमा माक्र्सवादी कम्युनिष्ट सिद्धान्तको जग बसाल्न विशिष्ट योगदान गरेका उपाध्यायले आफ्नो जीवन नै कम्युनिष्ट आन्दोलन, देश र जनताको पक्षमा समर्पित गरेका थिए ।
शुक्रवार बिहानै आर्यघाटमा उनको अन्तेष्टि गरीएको पुष्पलाल अध्ययन समाजका उपमहासचिव मुकुन्द आचार्यले बताएका छन् ।
वि.सं.२०७९ वैशाख १६ शुक्रवार ११:३८ मा प्रकाशित
