हामी सबैकाे संसारन्यूज

काठमाडौं । गठबन्धनका दलहरुले आपसी तालमेल गराउन दिएको संयुक्त ह्विप उल्लंघन हुन थालेका छन् ।

बुधवार अपरान्हको ५ दलीय संयुक्त निर्देशनका बिपरित बाग्मती प्रदेश सिन्धुपाल्चोकको सुनकोशी गाउँपालिकामा नेकपा एमाले र माओवादी केन्द्रबीच चुनावी तालमेल गर्ने सहमति भएको समाचार प्राप्त भएको छ ।

समाचार अनुसार त्यहां माओवादी केन्द्रबाट अध्यक्ष पदमा उम्मेदवारी दर्ता गराएकी कृष्णकुमारी कुँवरलाई उम्मेदवारी फिर्ता लिन लगाएर एमालेका उम्मेदवार टपेन्द्र तिमल्सिनालाई माओवादीले सघाउने सहमति भएको छ भने उपाध्यक्ष पदमा उम्मेदवार रहेकी एमालेकी मञ्जु नेपाललाई उम्मेदवारी फिर्ता लिन लगाएर माओवादीकी दुर्गा थापालाई सघाउने भएका छन् ।

यसअघि सत्ता गठबन्धनका दलहरुको बैठकले एमालेसँग तालमेल नगर्न बिशेष सर्कुलर गरेको थियो । सो घटनालाई कांग्रेसले सृजना गरेको परिस्थीति भन्दै त्यहाको बिशिष्टता र आन्तरिक बाध्यताका रुपमा माओवादी पक्षले बचाउ गरेको छ ।

सिन्धुपाल्चोकमा कांग्रेस माओवादी तालमेल हुन नदिन कांग्रेस नेता मोहन बस्नेत जिम्मेवार रहेको पनि माओवादीले बताएको छ ।