हामी सबैकाे संसारन्यूज

काठमाडौं । बैंक अफ काठमाण्डू लिमिटेडले कास्कीको पावर हाउसमा नयाँ शाखा विस्तार गरेको छ । बैंकले पोखरा महानगरपालिका वडा नं. ३०, पावर हाउस चोक स्थित पावर हाउस शाखाको आज उद्घाटन गरेको हो ।

पावर हाउस शाखाको एक समारोहका बिच बैंकका संचालक मोहना लोहनी तथा लेखनाथ उद्योग वाणिज्य संघका अध्यक्ष छत्रधर आत्रेयले संयुक्त रुपमा औपचारिक समुद्घाटन गरेका छन् । उक्त औपचारिक कार्यक्रममा बैंकका संचालक लोहनीले ग्राहकहरूको उच्चतम लाभलाई मध्यनजर गर्दै समय सुहाउँदो आवश्यक प्रविधिगत सेवाहरु उपलब्ध गराई उत्कृष्ट बैंकिङ्ग सेवा उपलब्ध गराउदै जानेमा बैंक प्रतिबद्ध रहेको बताइन् । उनले गण्डकी प्रदेशमा थप शाखा कार्यालयहरु पनि चाँडै संचालनमा ल्याउने योजना बैंकको रहेको जानकारी दिइन् ।

उक्त कार्यक्रममा लेखनाथ उद्योग वाणिज्य संघका अध्यक्ष आत्रेयले बैंक अफ काठमाण्डू लिमिटेडलाई पावरहाउस क्षेत्रमा स्वागत गर्नुको साथै स्थानिय उद्योग ब्यावसाय क्षेत्र तथा स्थानिय सर्वसाधारणहरुको आवश्यकतालाई ध्यानमा राखि बैंकले सेवा प्रदान गर्ने विश्वास लेखनाथ उद्योग वाणिज्य संघले लिएको बताए ।

बैंकले अगामी दिनहरुमा सम्भावित क्षेत्रमा आफ्ना ग्राहकलाई उत्कृष्ट सेवा उपलब्ध गराउने अभिप्रायले थपशाखाहरु संचालन गर्ने योजना अगाडि रहेको जनाएको छ ।