हामी सबैकाे संसारन्यूज

पबित्रा चाम्लिङ,खोटाङ

१
भाग्यमा बिश्वास गर्नु भन्दा,कडा परिश्रमको भर पर
आफ्नो दुनो आफैं सोझ्याउ,सोझ्याइ दिनेको नै छर
शरीरमा प्राण रहुञ्जेल, सिरामा रगत बहुञ्जेल तिमी
सफलता प्राप्त गर्नेछौ,तर कमिलो जस्तै मेहनत गर ।

२
आफ्नै प्रेमी वा प्रेमिकालाई,राक्षस बनेर मार्ने गर्छन्
निर्दोषलाई उल्टो जाल बुनेर, कठघरामा पार्ने गर्छन्
चोट लागेर ज्यान ढलेपछि, नोटमा ति दृष्टि बलेपछि
दोषीलाई रुपैयाँँले ढाक्छ,अनि निर्दोषले हार्ने गर्छन् ।

३
समय आएपछि पत्थरले,पनि बोल्नेछ हजुर
झुटो नबोलौं पश्चातापले मन, पोल्नेछ हजुर
नारीलाई सहनसिल ठानी, नघोच जानीजानी
अन्याय विरुद्ध नारीले घुम्टो, खोल्नेछ हजुर ।

४
बुबा आमालाई लत्याउँछ, छोराले अंश पाएपछि
बुढेसकालमा रुनुपर्छ हरे, आफैंले वंश पाएपछि
उहि नमेटिने दाग लाग्यो, सधैं भरी पछुतो जाग्यो
सपुत पुत्र जन्माउनु साट्टो, कपुत कंस पाएपछि ।

५
सोध्नलाई बाध्य भएँ,एकाएक सन्नटा छाएपछि
रुनलाई विवश बनायो, आँखामा आँसु आएपछि
सुर्यलाई धरामा झा¥यो, रिसले आफैंलाई मा¥यो
प्राण त्याग्दा पछुतायो, आबेगमा विष खाएपछि ।