हामी सबैकाे संसारन्यूज

१८ वैशाख, काठमाडौँ । नेपाल र जिम्बाबे ‘ए’ बिचको ३ खेलको टि-२० श्रृखला अन्तर्गतको पहिलो टि-२० खेलमा नेपालले टस हारेर पहिले ब्याटिङ्ग गर्ने भएको छ ।

नेपाल जिम्बाबेलाई हराउँदै सिरिजमा सुखद सुरुवात गर्ने योजनाका साथ मैदान उत्रने छ भने जिम्बाबे घरेलु टोली नेपाललाई उसकै मैदानमा हराउदै सिरिजमा विजयी सुरुवात गर्ने योजनामा रहेको छ । यस ३ खेलको टि-२० श्रृखला समाप्त भएपछि नेपालले जिम्बाबे ‘ए’ विरुद्ध नै ३ खेलको एकदिवसीय श्रृखला खेल्ने छ ।

यी दुई टिम बिचको खेल काठमाडौँको त्रिवि मैदानमा नेपाली समय अनुसार १ बजेबाट सुरु हुनेछ ।

नेपालको प्लेइङ्ग ११:
सन्दिप लामिछाने, आरिफ शेख, रोहित कुमार पौडेल, दिपेन्द्र सिंह ऐरी, आरिफ शेख, मोहम्मद आलम, करण केसी, सोमपाल कामी, कुशल भुर्तेल, अविनाश बोहोरा, बसिर अहमद ।