हामी सबैकाे संसारन्यूज

काठमाडौं । पर्वतका भक्तराज भुसाल काठमाडौ महानगरको मेयरमा उम्मेदवार बनेका छन् ।

गण्डकी प्रदेश पर्वत जिल्ला पैयु गाउपालिका ७ साविक भोर्ले दांगसिंगमा  जन्मिएर लामो समयदेखी कामनपा १६ बोहोराटार बस्ने भुसाल नेपाली कांग्रेस (बिपि) बाट मेयर पदको प्रत्यासी बनेका हुन् ।

नेपाली काँग्रेस (वी पी) को करुवा चिन्ह लिएर नगरप्रमुख (मेयर) मा भक्त राज भुसाल र उपमेयरमा इन्दिरा अधिकारी थापा चुनावी मैदानमा ओर्लीएका छन । भुसाल नेपाली कांग्रेस परित्याग गरी नेपाली कांग्रेस (बिपि) का महामन्त्री बनेका छन ।

बिसं २०३६ देखी कांग्रेसमा आवद्ध भै सत्याग्रह र जनआन्दोलन २०४६ मा समेत भाग लिएका भुसाल बिचारले प्रजातान्त्रिक भएपनि जनयुद्ध लगायतका राजनैतिक आन्दोलनहरुमा सहयोग समेत गरेका नरम कांग्रेस हुन । उनी हालै एमसिसि बिरोधि आन्दोलनको अगुवाई गरेर सयौ समर्थक लिएर सडकमा निस्केका आन्दोलनकारी समेत हुन् ।

यसबाहेक उनी नेपाल प्रजातान्त्रिक महासंघका संस्थापक महासचिव, बिश्व हिन्दु महासंघ राष्ट्रिय समितिका उपाध्यक्ष, गण्डकी सभ्यता बचाउ महाअभियानको सहअध्यक्ष र धौलागीरी समाजका उपाध्यक्ष लगायत दर्जनौ संघसंस्थामा आवद्ध रहेका छन् । अमेरीका र युरोपका धेरै शहर र बिकासको अध्ययन भ्रमण गरेका भुसालले काठमाडौलाई बिश्वकै नमुना शहर बनाउने प्रतिबद्धता ब्यक्त गरेका छन् ।