Sansar News
हातेमालोचोक, पर्वत । राष्टिय सभाका अध्यक्ष गणेश प्रसाद तिमिल्सीनाले निर्वाचन आचार संहिता उल्लंघन गरेको आरोप लगाईएको छ ।
संबिधानसभा सदस्य तथा नेकपा माओवादी केन्द्र गण्डकी प्रदेशका उपाध्यक्ष गुणाखर बस्यालले राष्ट्रिय सभाका अध्यक्ष तिमील्सीनामाथी उल्लंघनको आरोप लगाएका हुन् ।
सम्माननीयको हैसियतमा रहेका तिमिल्सीना मंगलवार दक्षिण पर्वतको चुनावी अभियानमा लागेको आशंका सहित नेता बस्यालले सम्बन्धित निकायको ध्यानाकर्षण गराएका छन ।
उनले संजाल मार्फत भनेका छन् ‘राष्ट्रिय सभाका अध्यक्ष गणेश प्रसाद तिमिल्सीना आचार संहिताको उल्लंघन गर्दै गाउँ गाउँ चुनाव प्रचार गर्दै पर्वतको दक्षिणी भेग हिडेकोले सम्बन्धित निकायको ध्यानाकृष्ट गर्न चाहान्छौ ।’
यस सम्बन्धमा पैयुमा रहेको प्रशाासनिक श्रोतसँग सम्पर्क गर्दा उनी औपचारीक भ्रमणमा नआएकोले ब्यक्तिगत हुनसक्ने बताइएको छ ।
वि.सं.२०७९ वैशाख २० मंगलवार २१:०६ मा प्रकाशित
