हामी सबैकाे संसारन्यूज

ललितपुर । महालक्ष्मी नगरपालिका ललितपुरका गठबन्धनका उम्मेदवारले भ्रममा नपर्न अपिल गरेका छन् ।

महालक्ष्मी नगरपालिका ललितपुरमा गठबन्धनका तर्फबाट मेयरमा माओवादी केन्द्रका शिव प्रसाद कट्टेल र नेपाली कांग्रेसका उम्मेदवार लक्ष्मी महर्जनले चुनावी गठबन्धन गरी चुनाव प्रचार प्रसारका लागि संयुक्त प्रचार प्रसार तथा परिचालन समिति गठन गरेर अगाडि बढेको अवस्थामा गठबन्धनबाट बाहिर रहेका दलले भ्रम फैलाउने काम गरेको भन्दै त्यस्तो भ्रममा नपर्न अपिल गरेका हुन् ।

नेपाली कांग्रेस महालक्ष्मी नगर समितिका सभापति दिवाकर सिल्वाल र नेकपा माओवादी केन्द्र महालक्ष्मी नगर समितिका अध्यक्ष श्यामकृष्ण मर्हजनद्धारा मंगलबार संयुक्त विज्ञप्ति जारी गर्दै भनेका छन् ‘उपमेयरका उम्मेदवार लक्ष्मी महर्जनको नाम र फोटो सहित भएको व्यानर बोकी मतदातालाई अन्यौल सिर्जना गरेको हुँदा नगर प्रमुख पदमा नेकपा माओवादी केन्द्रका तर्फबाट शिवप्रसाद कट्टेल र नगर उपप्रमुख पदमा नेपाली कांग्रेसका तर्फबाट लक्ष्मी मर्हजनबीच गठबन्धन भएको स्पष्टताका लागि संयुक्त हस्ताक्षरसहित आम मतदाताहरुमा जानकारीका लागि प्रेस विज्ञप्ति जारी गरिएको छ ।’