हामी सबैकाे संसारन्यूज

२२ वैशाख, काठमाडौँ । चेन्नाई सुपर किंग्सलाई १३ रनले पराजित गर्दै रोयल च्यालेन्जर्स बेङ्गलोर आईपिएल अकं तालिकाको चौँथो स्थानमा उक्लिएको छ ।

टस हारेर पहिले ब्याटिङ्ग गरेको बेङ्गलोरले २० ओभरमा ८ विकेट गुमाएर १७३ रन बनाएको थियो । बेङ्गलोरका लागि ब्याटिङ्गमा महिपाल लोमरले सर्वाधिक ४२ रन बनाएका थिए भने चेन्नाईका लागि बलिङ्गमा महेश थेक्षानाले सर्वाधिक ३ विकेट हात पारेका थिए ।

बेङ्गलोरले दिएको १७४ रनको लक्ष्य चेन्नाईले पुरै २० ओभर खेल्दा पनि पुरा गर्न सकेन । चेन्नाईले २० ओभरमा ८ विकेट गुमाएर १६० रनमात्र बनाउन सक्यो । चेन्नाईका लागि ब्याटिङ्गमा डेवन कन्वेले ५२ रनको अर्धसतकीय पारी खेलेका थिए । बेङ्गलोरका लागि बलिङ्गमा हर्षल पटेलले सर्वाधिक ३ विकेट हात पारेका थिए । त्यसैगरी ग्लेन म्याक्सवेलले २ र शहबाज अहमद, जश हेजलवसड र वानिन्दु हसरंगाले समान १/१ विकेट हात पारेका थिए ।