Sansar News
काठमाडौं । सनराइज बैंकका ग्राहकले अन्नपूर्ण केबलकार पोखरामा विशेष छुट पाउने भएको छ । बैंकले आन्तरिक र बाहिरी पर्यटकका लागि पोखरा लेकसाइड सेतीदेखि सराङ्गकोटसम्म अन्नपूर्ण केबलकार शुरु भएको अवसरमा बैंकका ग्राहकहरुले विशेष छुट पाउने भएको हो ।
बैंकले आफ्ना ग्राहकहरुको सहजता तथा सुविधालाई मध्यनजर गर्दै केबलकार सुविधा प्रयोग गरे बापत छुट पाउने बारेमा सम्झौता पत्रमा हस्ताक्षर गरेको छ । सम्झौता पश्चात बैंकका ग्राहकहरुले पोखरास्थित अन्नपूर्ण केबलकारको टिकट खरिद गर्दा सन्राइज बैंकको क्रेडिट वा डेबिट कार्डको माध्यमबाट भुक्तानी गर्दा १० प्रतिशतको विशेष छुट पाउन सक्ने बैंकले जनाएको छ ।
बैंकले “स्मार्ट बनौं, डिजिटल बैंकिङ्ग गरौ” अभियान अनुरुप आफ्ना ग्राहकहरुलाई नगद कारोबारबाट डिजिटल कारोबारमा जान उत्प्रेरित गर्दै आएको छ । साथै ग्राहकहरुको अपेक्षा अनुरुप नबिनतम् सेवा सुविधाहरु थप गर्दै जाने बैंकले जनाएको छ ।
वि.सं.२०७९ वैशाख २२ बिहीवार १३:३८ मा प्रकाशित
