हामी सबैकाे संसारन्यूज

काठमाडौंं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को निर्वाचन क्षेत्रमा पर्ने माडी नगरपालिकामा नेकपा (एमाले)ले मेयर जितेको छ । निवर्तमान उपमेयरसमेत रहेकी ताराकुमारी काजी महतोले ९ हजार ९०१ मत प्राप्त गर्दै मेयरमा जित हात पारेकी हुन् ।

महतो निकटतम प्रतिद्वन्द्वी माओवादी केन्द्रका ऋषिराम काफ्लेले ७ हजार ७२९ मत पाएका छ्न् । महतो र काफ्लेबीचको मतान्तर २ हजा १७२ छ ।

उपमेयरमा भने नेपाली कांग्रेसका खेमप्रसाद महतो जितेका छन् । उनले ६ हजार ८३० मत ल्याएर जित्दा एमालेसँगको तालमेलमा उपमेयरका उम्मेदवार बनेका मदन पौडेलले ५ हजार ४० मत मात्रै ल्याउन सके ।

स्वतन्त्र उम्मेवार बनेका कृष्ण पौडेलले उपमेयरमा ३ हजार ८६ मत ल्याए । उनी कांग्रेसबाट राजीनामा दिएर स्वतन्त्र भई उम्मेदवार बनेका हुन् ।

९ वटा वडा रहेको माडीमा राप्रपाले वडा नं. १ र ८, माओवादीले २,४,५ र ९, समाजवादीले ३ र ७ तथा एमालेले वडा नं. ६ मा जित हात पारेको छ ।

माडीमा अघिल्लो पटक माओवादी केन्द्रका नेता ठाकुर ढकालले एकल उम्मेदवार बनेर मेयर जितेका थिए ।