Sansar News
टीकापुर । कैलालीको जोशीपुर गाउँपालिका अध्यक्षमा नागरिक उन्मुक्ति पार्टीका उम्मेदवार विजयी भएका छन् । नागरिक उन्मुक्ति पार्टीका चित्रबहादुर चौधरी ४ हजार ९०३ मत प्राप्त गरी विजयी भएका हुन् । उनले नेपाली कांग्रेसका वंशराम बडायकलाई पछि पार्दै विजयी भएका हुन् ।
उपाध्यक्षमा नागरिक उन्मुक्ति पाटीकै रेखादेवी कठरिया ४ हजार ५८१ मत प्राप्त गरी विजयी भएकी छन् । त्यसैगरी वडा नं.७ को वडाध्यक्षमा नेकपा (एमाले)का बमबहादुर शाह ६६४ मत प्राप्त गर्दै विजयी भएका छन् ।
महिला सदस्यमा एमालेकै गौरादेवी जैसी, दलित महिला सदस्यमा नागरिक उन्मुक्तिका इसरा कुमारी टमट्टा, खुला सदस्यमा नेपाली कांग्रेसका तेजप्रकाश हमाल, र हिराप्रसाद चौधरी विजयी भएका छन् ।
वि.सं.२०७९ जेठ ५ बिहीवार ०९:४५ मा प्रकाशित
