Sansar News
झापा । झापाको भद्रपुर नगरपालिकाको नगर प्रमुखमा नेपाली कांग्रेस र उपप्रमुखमा राप्रपाका उम्मेदवार विजयी भएका छन् ।
नगर प्रमुखमा नेपाली कांग्रेस गणेश पोखरेल विजयी भएका छन् । पोखरेल १२ हजार ५२५ मत प्राप्त गरी विजयी भएका हुन् । पोखरेलका निकटतम प्रतिस्पर्धी नेकपा (एमाले)का असारु राजवंशीले ९ हजार ७५९ मत प्राप्त गरेका छन् भने राप्रपाका नवराज पनेरुले ६ हजार ३१० मत प्राप्त गरेका छन् ।
यस्तै, उपप्रमुखमा राष्ट्रिय प्रजातन्त्र पार्टीकी राधा कार्की विजयी भएकी छन् । राधा ९ हजार २३० मत प्राप्त गरी विजयी भएकी हुन् । राधाका निकटम प्रतिस्पर्धी माओवादी केन्द्रका शिवकुमार राजभण्डारीले ८ हजार ५३३ मत प्राप्त गरेका छन् ।
भद्रपुरमा कांग्रेस, माओवादी केन्द्र र एकीकृत समाजबादीबीच चुनावी गठबन्धन भएको थियो ।
वि.सं.२०७९ जेठ ५ बिहीवार १०:१३ मा प्रकाशित
