हामी सबैकाे संसारन्यूज

काठमाडौं । चितवनको भरतपुर महानगरपालिकामा रेनु दाहालको अग्रता कायमै रहेको छ ।

सत्ता गठबन्धनबाट साझा उम्मेदवार बनेकी रेनु दाहालले एमालेका उम्मेदवार विजय सुवेदीलाई पछि पार्दै फराकिलो रुपमा मतान्तर बढाउँदै लगेकी छन् ।

बिहीबार बिहानसम्मको मत गणनाको परिणाम अनुसार रेनुले १४ हजार ७६६ मत ल्याउँदा एमालेका उम्मेदवार विजय सुवेदीले ११ हजार ७६५ मत प्राप्त गरेका छन् ।

त्यस्तै कांग्रेसबाट विद्रोह गरेर स्वतन्त्र उम्मेदवार बनेका जगन्नाथ पौडेलले ६ हजार ९० मत प्राप्त गरेका छन् ।

त्यसैगरी उपप्रमुखमा पनि कांग्रेसका चित्रसेन अधिकारीले फरकिलो रुपमा मतान्तर बनाउँदै अग्रता कायम गरिरहेका छन् । अधिकारीले १७ हजार ९६ मत ल्याउँदा राप्रपाबाट मेयरको उम्मेदवार रहेकी हिमला गुरुङले ९ हजार ५०१ मत प्राप्त गरेकी छन् ।

भरतपुरमा गठबन्धन दलहरु नेपाली कांग्रेस, नेकपा माओवादी केन्द्र, एकिकृत समाजवादी, जनता समाजवादी पार्टी र राष्ट्रिय जनमोर्चाले चुनावी तालमेल गरेका छन् भने नेकपा एमालेले राप्रपासँग चुनावी तालमेल गरेको छ ।