हामी सबैकाे संसारन्यूज

काठमाडौं । युरोपका देशका व्यापार गर्न मिल्ने भिषा लगाइदिन्छु भनेर ठगी गरेको अभियोगमा एक व्यक्ति पक्राउ परेका छन् ।

चितवनको भरतपुर महानगरपालिका–९ वसन्त चोक घर भई हाल काठमाडौंको टोखा नगरपालिका–८ बस्ने २७ वर्षीय सुजनराज पाण्डेलाई प्रहरीले पक्राउ गरेको हो ।

टिपिकल क्लोथिङ एण्ड क्राफ्ट स्टोर नामक व्यवसायिक कम्पनी दर्ता गर्न लगाई यूरोपको जुनसुकै देशमा गएर ब्यापार व्यवसाय गर्न मिल्ने भिषा लगाई दिन्छु भनि हंगरीको लागि नक्कली भिषा समेत निकाली पीडितबाट २५ लाख रूपैयाँ ठगी गरेको अभियोगमा पक्राउ गरिएको प्रहरीले जनाएको छ ।

काठमाडौं उपत्यका अपराध अनुसन्धान कार्यालयबाट खटिएको प्रहरीले उनलाई काठमाडौं बानेश्वरबाट पक्राउ गरी ठगी कसूर अन्तर्गत थप अनुसन्धानका लागि जिल्ला प्रहरी परिसर काठमाडौं पठाएको पनि प्रहरीले जनाएको छ ।