हामी सबैकाे संसारन्यूज

काठमाडौं । आइतबार बिहान पोखराबाट मुस्ताङतर्फ उडेको तारा एयरको जहाज हराएपछि खोजी कार्य तिब्र पारिएको छ ।

आइतबार बिहान ९ः५५ बजे जोमसोमका लागि उडेको तारा एयरको ९ एनएईटी ट्विनअटर विमान उडेको केही समयपछि सम्पर्कबिहीन भएको थियो ।

उक्त विमानको आइतबार दिनभरी सेनाको हेलिकप्टर तथा पैदलमार्गबाट खोजि गरिएपनि भेटाउन नसकेपछि खोजी कार्य स्थगित गरेको सेनाका प्रवक्ता नारायण सिलवालले जानकारी दिएका थिए ।

आज बिहानै ५ बजेदेखि नै नेपाली सेना, सशस्त्र प्रहरी र नेपाल प्रहरी टोली परिचालन गरेर खोजीकार्य जारी राखेको जिल्ला प्रहरी कार्यालय मुस्ताङका डिएसपी रामकुमार दानीले जानकारी दिएका छन् ।

दानीले खोजीकार्यमा सेनाको हेलिकप्टर प्रयोग गरिएको जानकारी दिएका छन् । तर, मौसम प्रतिकूल रहँदा खोजीकार्यमा कठिनाइ भएको समेत उनले बताएका छन् । उनका अनुसार धौलागिरी हिमाल रेन्जतर्फ टोली परिचालन भएको छ ।

क्याप्टेन प्रभाकर घिमीरेले उडाएको उक्त जहाजमा घिमीरेसहित चालक दलका ३ जना, २ जर्मन नागरिक, चार भारतीय र १३ नेपाली यात्रु गरी जम्मा २२ जना रहेका थिए ।

पोखराबाट ९ः५५ उडेको उक्त जहाज १०ः१५ मा मुस्ताङ विमानस्थलमा अवतरण गर्नुपर्नेमा १० बजेर ७ मिनेटबाट सम्पर्कविहीन भएको थियो ।

Resumed rescue efforts.. pic.twitter.com/CzD471pzP3

— NASpokesperson (@NaSpokesperson) May 30, 2022

सम्पर्कबिहीन जहाजको खोजी कार्य आजलाई स्थगित