Sansar News
काठमाडौं । आइतबार बिहान पोखराबाट मुस्ताङ जाने क्रममा दुर्घटना भएको तारा एयरको जहाजमा सवार यात्रुमध्ये धनुषाका एकै परिवारका ७ जना रहेको पुष्टि भएको छ ।
मुस्ताङको थासाङ गाउँपालिका–२ मा दुर्घटनाग्रस्त रुपमा आज बिहान फेला परेको उक्त जहाजमा मुक्तिनाथ दर्शन गर्न गएका एकै परिवारका ७ जना रहेको पुष्टि भएको हो ।
चालक दलका तीनजनासहित २२ जना सवार रहेको उक्त जहाजमा धनुषाको मिथिला नगरपालिका ११ लोटा गाउँका सातजना रहेका थिए ।
उनीहरुमा राजनकुमार गोले, उनका बुबा इन्द्रबहादुर गोले, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङ रहेको परिवारले पुष्टि गरेको हो ।
वि.सं.२०७९ जेठ १६ सोमवार ०८:३७ मा प्रकाशित
