हामी सबैकाे संसारन्यूज

रुपन्देही । रुपन्देहीको रोहिणीमा बस दुर्घटना हुँदा ज्यान गुमाउनेमध्ये ४ जनाको सनाखत भएको छ ।

आज बिहान जनकपुरबाट भैरहवा तर्फ जाँदै गरेको बस रोहिणी खोलामा खस्दा नौ जनाले ज्यान गुमाएका थिए ।

जिल्ला प्रहरी कार्यायल रुपन्देहीका प्रवक्ता तथा डिएसपी नवरत्न पौडेलका अनुसार ज्यान गुमाउने नौ मध्ये रुपन्देहीको तिलोत्तमा नगरपालिका २ योगिकुटीका ५६ वर्षीय विष्णु पौडेल, ओमसतिया गाउँपालिका ४ का ६५ वर्षीय राजेन्द्र पाण्डे, बुटवल ११ कालिकानगरका ४८ वर्षीय कृष्णप्रसाद बस्याल र रौतहट चन्द्रनिगाहापुरका २० वर्षीय दिनेश दासको सनाखत भएको हो ।

बसमा सवार ३३ मध्ये ९ जनाको मृत्यु भएको छ भने १५ जना गम्भीर घाइते तथा ९ जना मध्यम रहेको प्रहरीले जनाएको छ ।

जनकपुरबाट भैरहवा जाँदै गरेको लु १ २ ख ३८४१ नम्बरको यात्रुबाहक बस आइतबार बिहान ४ः४५ मा भैरहवाको रोहिणी गाउँपालिका ३ मा रहेको रोहिणी पुलबाट २० मिटर तल खसेको थियो ।

जनकपुरबाट भैरहवा जाँदै गरेको बस दुर्घटना हुँदा ९ जनाको मृत्यु, १५ जना गम्भीर