हामी सबैकाे संसारन्यूज

काठमाडौं । लक्ष्मी बैंकले ग्रीन बचत खाता पुनः सञ्चालनमा ल्याएको छ । ५०औं विश्व वातावरण दिवसको अवसर पारेर बैंकले आफ्नो वातावरण मैत्री हरित बचत खाता “ग्रीन सेभिंग” पुनः सञ्चालनमा ल्याएको हो ।

हालको डिजिटल युगको फाइदा उठाउदैं अनलाईन खाता खोल्ने सेवा, भिडियो-केवाईसी र डिजिटल बैंकिङ्ग जस्ता सेवाहरुको समिश्रणले सो खाता पूर्णरूपमा कागज विहिन रहेको बैंकले जनाएको छ । साथै यस खातामा ग्राहकहरुले ८.०३% को उच्चतम ब्याजदर मात्र नभई ग्रीन बैंकिङ्ग प्याकेज (मोबाईल मनी र इन्टरनेट बैंकिङ्ग) निःशुल्क प्राप्त गर्न बताइएको छ ।

बैंकका अनुसार बैंकको “एक खाता, एक रुख” को प्रतिबद्धता अनुरुप “गो ग्रीन“ अभियानमा सहयोग पुग्ने गरी प्रत्यक ग्रीन सेभिंग खाताको वापत बैंकले एउटा रुख रोप्ने छ । यसका साथै सो खाताबाट संकलन हुने निक्षेपबाट नवीकरणीय ऊर्जा, हरित यातायात, दिगो खाद्य, कृषि, वन, फोहोर व्यवस्थापन र हरितगृह ग्यास न्यूनीकरण लगायत दिगो विकास लक्ष्यहरू अन्तर्गत पर्ने क्षेत्रहरू र गतिविधिहरूमा कर्जा प्रवाह गर्न उपयोग गरिने बैंकले जनाएको छ ।

बैंकले यो पहल मार्फत आफ्नो ‘ओरेन्ज लभ्स ग्रीन’ को दिगो प्रतिबद्धतालाई निरन्तरता दिने बताइएको छ । यसै प्रतिबद्धता अन्तर्गत बैंकले पीसीएएफ (कार्बन एकाउन्टिङ फाइनान्सियलका लागि पार्टनरसिप) मा पनि सामेल भएको जनाएको छ । सो साझेदारी मार्फत बैंकले औपचारिक रूपमा (क) आफ्नो कार्बन उत्सर्जन मापन गर्ने र (ख) राष्ट्रिय प्रतिबद्धतासँग मिल्दोजुल्दो लक्ष्य र नीतिहरू उपनाउने छ जसले बैंकको नेट-जिरो यात्रा अघि बढ्ने बताइएको छ ।

बैंकले यस अघिनै ग्राहकहरुलाई डिजिटल बैंकिङ्ग माध्यमहरु अपनाई ग्रीन बैंकिङ्गतर्फ प्रोत्साहन गर्नका लागी विभिन्न अफरहरु पनि ल्याएको थियो । बैंकका अनुसार विश्व वातावरण दिवसकै दिन प्रयोगकर्ताहरुले मोबाइल मनी द्वारा कुनै पनि क्युआर भुक्तानी गर्दा १०% (प्रती व्यक्ति रु.५० सम्मको) तुरुन्तै छुट पाउन सक्ने व्यवस्था गरिएको थियो । साथै सो दिन क्युआर भुक्तानी गर्दा दोब्बर फोनपे रिवार्ड पोइन्टससमेत प्राप्त गर्न सकिने थियो ।

बैंकका अनुसार मोबाइल मनी प्रयोगकर्ताहरुले आफूले संकलन गरेको फोनपे रिवार्ड पोइन्टस मार्फत ५०० पोइन्टमा बैंकको ग्रीन प्याकेज (जस अन्तर्गत मोबइल मनि, डेबिट कार्ड, ईन्टरनेट बैंकइङ्ग तथा इमेल अलर्ट सुविधाहरु पर्दछ) १ वर्षको लागी निःशुल्क नविकरण गर्न पनि सक्ने छन् ।

ग्रीन बचत खाताको बारेमा थप जानकारी www.laxmibank.com/deposit/green-savings/ मा उपलब्ध रहेको बैंकले जनाएको छ ।