हामी सबैकाे संसारन्यूज

काठमाडौं । जि–सेभेन देशका नेताहरूले रुसी राष्ट्रपति भ्लादिमिर पुटिनको खिल्ली उडाएका छन् । जर्मनीमा यी नेताहरूले खाजाको समयमा पुटिन बिना शर्ट घोडामा बसेको तस्वीरलाई लिएर खिल्ली उडाएका हुन् ।

बेलायती प्रधानमन्त्री बोरिस जोनसनले मजाक सुरु गरेका थिए । उनले भनेका छन्, “ज्याकेट लगाएको ? ज्याकेट फुकाल्ने ? हामी पुटिनभन्दा बलियो छौँ भनेर देखाउनुपर्छ ।”

जि सेभेनका नेताले साइबेरियन ताभा क्षेत्रको पहाडमा पुटिनले शर्टलेस घोडामा सवार भएको २००९ को फोटोलाई उल्लेख गर्दै थिए। तस्बिरमा पुटिनले चेन र चश्मा लगाएको पनि देखिन्छ ।

छलफलमा क्यानडाका जस्टिन ट्रुडोले पुटिनको खिल्ली उडाउँदै भने– हामी पनि बिना शर्ट घोडा चढेको फोटो खिच्नेछौं । मजाक यहाँ रोकिएन। युरोपेली संघका अध्यक्ष उर्सुला भोन डर लेयनले भने– घोडसवारी सबैभन्दा राम्रो हो। यसबारे बोरिस जोनसनले फेरि भने– हामीले उनीहरुलाई हाम्रो प्याक पनि देखाउनुपर्छ । तर, यस अमेरिकी राष्ट्रपति जो बाइडेनले भने पुटिनको विषयमा बोलेनन् ।

पुटिनले धेरै पटक शर्टलेस तस्बिर खिचेका छन्

पुटिनको धेरै पटक शर्ट नलगाई फोटो खिचिएका छन्। २०१८ मा, उनले एक अष्ट्रेलियाली पत्रकारको प्रश्नको जवाफमा भने– मलाई केहि लुकाउनु पर्दैन, जब म छुट्टीमा छु, मलाई लाग्छ लुकाउनु आवश्यक छैन र यसमा केहि गलत छैन।

जी-सेभेन नेताहरू भेला हुनेबित्तिकै रुसको आक्रमण तीव्र भयो

रुस–युक्रेन युद्ध भएको ४ महिनाभन्दा बढी भइसकेको छ । आक्रमणहरू अझै जारी छन्। जुन २६ मा जर्मनीमा भएको जी–७ शिखर सम्मेलनअघि रुसले युक्रेनको राजधानी कीभमा एकपछि अर्को गर्दै १४ वटा मिसाइल प्रहार गरेको थियो ।

यहाँ अमेरिकी राष्ट्रपति जो बाइडेन पश्चिमी गठबन्धनलाई एकताबद्ध राख्न खोजिरहेका छन् । बाइडेनले रुसको आक्रमणको निरन्तर आलोचना गर्दै आएका छन् । यसअघि बाइडेनले रुसी आक्रमणलाई बर्बर भनेका थिए । एजेन्सीबाट

सम्बन्धित समाचार

युद्धमा मिसियो बेलारुस, रुसको पक्ष लिँदै युक्रेनमाथि हान्यो मिसाइल