Sansar News
पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको छ ।
पोर्चुगलको फारोस्थित एक कृषि कम्पनीमा कामगर्न पुगेका २९ वर्षीय युवाको मृत्यु भएको बताइएको छ ।
‘एपिन्डिसाइड’ भएर अस्पताल भर्ना भएका उनको उपचारका क्रममा निधन भएको प्रारम्भिक अनुसन्धानमा देखिएकोछ । अनुसन्धान पूरा नभएकाले उनको परिचय गोप्य राखिएको बताइएको छ ।
एक महिनामै तीनजनाको निधन
पोर्चुगलमा एक महिनामै तीन नेपालीले ज्यान गुमाएको समाचार प्राप्त भएको छ । रुपन्देहीका युवा भन्दा अगाडि सोलुखुम्बुस्थित सोलुकुण्ड नगरपालिका–५ का ङवाङ दावा शेर्पाको निधन भएको थियो । साथै चितवनको भरतपर महानगरपालिका १७ बरुवाका राजन शर्मा सुवेदीको पनि निधन भएको थियो ।
त्यस्तै जेठ महिनामा पनि काभ्रेस्थित नमोबुद्ध नगरपालिका–२ पुरानोगाउँकी मिरा थापाको निधन भएको बताइएको छ ।
वि.सं.२०७९ असार १३ सोमवार १७:०५ मा प्रकाशित
