हामी सबैकाे संसारन्यूज

काठमाडौं । ई-सेवाले बीमाको प्रिमियम तिर्दा क्यासब्याक अफर सार्वजनिक गरेको छ । ई-सेवाले मंगलबार परेको अन्तर्राष्ट्रिय बीमा जागरुकता दिवसका अवसरमा सो अफर सार्वजनिक गरेको हो ।

उक्त अफर अन्तर्गत कम्पनीले मंगलबार दिउँसो १२ बजेदेखि २ बजेसम्म ईसेवामार्फत जीवन बीमाको बीमाशुल्क भुक्तानी गर्दा रु २०० क्यासब्याक गर्न सकिने जनाएको छ ।

कम्पनीका अनुसार जीवन बीमा कम्पनीमा गई सोही दिन क्युआर मार्फत भुक्तानी गर्दा सोही क्यासव्याक पाउन सकिने छ । कम्पनीले ईसेवामार्फत भुक्तानी गर्दा ईसेवाले हाल सञ्चालन गरिरहेको लखपति योजनामासमेत सहभागी हुन सकिने जनाएको छ ।

कम्पनीले बीमितहरुले घरमै बसेर बीमा शुल्क भुक्तानी गर्न प्रोत्सान गर्न लखपति योजना सञ्चालन गरिरहेको जनाएको छ । कम्पनीले भदौ ४ गतेसम्म सञ्चालन हुने यस योजनामा ईसेवाबाट कुनैपनि जीवन बीमा कम्पनीको बीमा शुल्क भुक्तानी गर्ने व्यक्तिहरुमध्येबाट बम्पर उपहारमा १ जनाले १ लाख रुपैयाँ प्राप्त गर्ने जनाएको छ ।

यसका साथै उपहार बिजेता बीमितको बीमा एजेन्ट र सोही एजेन्टको शाखा कार्यालयले पनि रु २०/२० हजार नगद उपहार प्राप्त गर्ने कम्पनीले जनाएको छ । साथै, यस योजना संचालन अवधिभर बीमा शुल्क भुक्तानी गर्नेहरु मध्येबाट हरेक दिन १ जनाले गोलाप्रथामार्फत १ हजार रुपैयाँ प्राप्त गर्ने जनाइएको छ । कम्पनीका अनुसार उक्त योजना नेपालमा सञ्चालित सबै बीमा कम्पनीको शुल्क भुक्तानी गर्दा लागु हुने छ ।