हामी सबैकाे संसारन्यूज

काठमाडौं । नेपाली कांग्रेसले मुलुक श्रीलंकातर्फ जाँदै गरेको भनेर गर्भनरले नै नागरिकमा आतंक फैलाएको आरोप लगाएको छ ।

बुधबारको प्रतिनिधिसभा बैठकमा विशेष समय लिएर बोल्दै कांग्रेस सांसद मिन बहादुर विश्वकर्माले नेपालको आर्थिक अवस्था जटिल बन्दैछ भनेर नागरिक तथा अर्थविद्ले नभइ जसले देशको अर्थतन्त्रको जिम्मा लिएको छ गर्भनर आफैले देश श्रीलंकाको बाटोतर्फ गइरहेको भन्दै आतंक फैलाइएको आरोप लगाएका छन् ।

गर्भनर जस्तो जिम्मेवार व्यक्तिले सरकारलाई सहयोग गर्नुुपर्ने बेलामा निरन्तर यो देश श्रीलंका हुन्छ । टाट पल्टिन्छ भनेर रियल स्टेट कारोबारीहरुलाई निशेध गर्ने र निजी क्षेत्रलाई हतोत्साही गर्ने सेयर मार्केटमा निशेध र बन्दको कुरा गरेर सेयर ४० लाख जनतालाई हतोत्साही र अत्याउने काम भइरहेको छ यो बन्द गरिनुपर्छ ।’ सांसद विश्वकर्माले भने ।

उनले यस्तो कार्य बन्द नगरिएमा देशका धेरै जनताले यसविरुद्ध आवाज उठाउनुपर्ने अवस्था आउने र सम्बन्धीत व्यक्तिलाई कारबाही गनुपर्ने अवस्था आउने बताए ।

‘राष्ट्र बैंकको गर्भनर जस्तो जिम्मेवार व्यक्तिलाई यस्तो नर्गन, नगराउन, नबोल्न र नागरिकहरुलाई आतंकित नगराउन भन्दै सभामुखद्धारा रुलिङ हुनुपर्छ ।’

सांसद विश्वकर्माले मित्रराष्ट्र श्रीलंकालाई अप्ठेरो परेका बेला हाम्रो देशका नेता तथा मन्त्रीहरुले गिज्याउनु उपर्युक्त नभएको र अमर्यादित तथा अपमान हुने भएकोले यस्तो कुरा बन्द गर्नुपर्ने बताएका छन् ।