हामी सबैकाे संसारन्यूज

काठमाडौं । नेकपा (माओवादी केन्द्र)का नेता एवम् राष्ट्रिय सभा सदस्य नारायणकाजी श्रेष्ठले राष्ट्र बैंकका गभर्नर महाप्रसाद अधिकारीलाई तत्काल पद छाड्न आग्रह गरेका छन् । बिहीबार राष्ट्रिय सभाको बैठकमा बोल्दै नेता श्रेष्ठले यस्तो आग्रह गरेका हुन् ।

महाप्रसादको राजनीतिक संलग्लतादेखि शैक्षिक योग्यताकै विषयमा गम्भीर प्रश्नहरु उठेको श्रेष्ठको भनाई छ । उठेका प्रश्नमा एमाले र महाप्रसाद दुवैले खण्डन गर्न नसकेको भन्दै राजीनामा दिनुको विकल्प नरहेको उनले बताए ।

“एमाले वा गर्भनर अधिकारीले विश्वसनीय ढंगले खण्डन गर्नुभएको छैन । गर्न सक्ने स्थिति पनि होला नहोला”, श्रेष्ठले भनेका छन् , “यस्तो अवस्थामा उहाँ बसिरहन मिल्छ कि मिल्दैन ? कि त होइन भन्ने पुष्टि गर्ने आधिकारिक कागजात चाहियो होइन भने विवाद भयो अन्योल भयो भन्नेमात्र तर्क गरेर भएन, राजीनामा गर्नु र पद छोड्नुपर्छ ।”

हरेक क्षेत्रमा ढाँट्ने र छल्ने प्रवृत्ति मौलाएको भन्दै नेता श्रेष्ठले सरकारले तत्काल गम्भीर भएर छानबिन गर्नुपर्ने बताए ।