हामी सबैकाे संसारन्यूज

बुटवल । बुटवलको एक होटलमा मृत भेटिएकी युवतीको घटनामा संलग्न रहेको आरोपमा प्रहरीले २ जनालाई पक्राउ गरेको छ ।

बुटवलको गोलपार्कस्थित होटल पाल्पालीमा एक युवकसँगै बास बसेकी समिक्षा गुरुङ नामकी २१ वर्षीय युवतीको मृत्यु प्रकरणमा किशोरीसँगै होटलमा बसेका बुटवल उपमहानगरपालिका ३ का २० वर्षीय असिम श्रेष्ठ र होटल संचालक ४५ वर्षीय रामप्रसाल अर्याललाई पक्राउ गरिएको इलाका प्रहरी कार्यालय बुटवलले जनाएको छ ।

इलाका प्रहरी कार्यालय बुटवलका डिएसपी ठगबहादुर केसीका अनुसार असार २५ गते राति सोहि होटलको १०५ नम्बरको कोठामा तन्नाको पासो लगाएर झुण्डिएको अवस्थामा फेला परेकी गुरुङको फोन, म्यासेज लगायतका अनुसन्धानका क्रममा श्रेष्ठ किशोरीसँगै होटलमा गएको स्वीकारेको

शुक्रबार राति उक्त होटलमा बसेका श्रेष्ठ र गुरुङमध्ये शनिबार बिहान श्रेष्ठले होटलको बिल तिरेर बाहिर निस्किएका थिए भने गुरुङ तन्नाको पासो लगाएको अवस्थामा कोठामै मृत फेला परेकी थिइन् ।

त्यसैगरी होटल संचालक अर्यालविरुद्ध किशोरीका बुवा सन्दीप गुरुङले प्रहरीमा जाहेरी दिएपछि उनलाई पनि पक्राउ गरिएको हो । किशोरीका वुवाले दिएको जाहेरीमा जबरजस्ती करणी गरी आत्महत्या दुरुत्साहन कसुर गरेको उल्लेख छ ।