Sansar News
काठमाडौं । नेपालमा केही दिनयता कोरोना संक्रमितको संख्या निरन्तर बढ्दै गएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३८४४ नमुना परीक्षणमा २६० जनामा संक्रमण पुष्टि भएको हो ।
आज थपिएका २६० जनासँगै नेपालमा हालसम्म कोरोना संक्रमित हुनेको संख्या ९ लाख ८० हजार ९८१ पुगेको छ ।
त्यसैगरी आज ४८ जना कोरोना संक्रमणबाट मुक्त भएसँगै नेपालमा हालसम्म कोरोनाबाट मुक्त हुनेको संख्या ९ लाख ६७ हजार ८५८ रहेको छ ।
त्यस्तै कूल संक्रमित मध्ये हालसम्म संक्रमणबाट ज्यान गुमाउनेको संख्या ११ हजार ९५२ रहेको छ ।
मन्त्रालयका अनुसार हाल ११७१ जना कोरोनाका सक्रिय संक्रमित रहेका छन् ।
ती मध्ये ११४८ जना होम आइसोलेशनमा रहेका छन् भने संस्थागत आइसोलेसनमा २३, आइसीयुमा १४ र १ जनाको भेन्टिलेटरमा उपचार भइरहेको छ । केही दिनयता आइसीयुमा उपचार गराउनेको संख्या पनि बढेको छ ।
त्यसैगरी पछिल्लो २४ घण्टामा ७२ हजार ३२० मात्रा कोरोना विरुद्धको खोप लगाइएको छ ।
वि.सं.२०७९ असार ३० बिहीवार १६:१५ मा प्रकाशित
