Sansar News
काठमाडौं । नेपालमा केही दिनयता कोरोना संक्रमितको संख्या निरन्तर बढ्दै गएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३१७५ नमुना परीक्षणमा २०६ जनामा संक्रमण पुष्टि भएको हो ।
आज थपिएका २०६ जनासँगै नेपालमा हालसम्म कोरोना संक्रमित हुनेको संख्या ९ लाख ८० हजार ७६७ पुगेको छ ।
त्यसैगरी आज ४५ जना कोरोना संक्रमणबाट मुक्त भएसँगै नेपालमा हालसम्म कोरोनाबाट मुक्त हुनेको संख्या ९ लाख ६७ हजार ८१० रहेको छ ।
त्यस्तै कूल संक्रमित मध्ये हालसम्म संक्रमणबाट ज्यान गुमाउनेको संख्या ११ हजार ९५२ रहेको छ ।
मन्त्रालयका अनुसार हाल ८७३ जना कोरोनाका सक्रिय संक्रमित रहेका छन् । ती मध्ये ८५३ जना होम आइसोलेशनमा रहेका छन् भने संस्थागत आइसोलेसनमा २०, आइसीयुमा ११ र १ जनाको भेन्टिलेटरमा उपचार भइरहेको छ ।
त्यसैगरी आज ६३ हजार ३८७ मात्रा कोरोना विरुद्धको खोप लगाइएको छ ।
वि.सं.२०७९ असार २९ बुधवार १७:२६ मा प्रकाशित
