Sansar News
काठमाडौं । नेपालमा थप १६८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज गरिएको ३०२० नमुना परीक्षणमा १६८ जनामा संक्रमण पुष्टि भएको छ ।
आज थपिएका १६८ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ८० हजार ४४६ पुगेको छ । कूल संक्रमित मध्ये हालसम्म ११ हजार ९५२ जनाले ज्यान गुमाएका छन् ।
त्यसैगरी पछिल्लो २४ घण्टामा ३७ जना कोरोना संक्रमणबाट मुक्त भएका छन् । आज निको भएका ३७ जनासँगै हालसम्म कोरोनबाट मुक्त हुनेको संख्या ९ लाख ६७ हजार ७२४ पुगेको छ ।
त्यस्तै नेपालमा हाल ७७० जना सक्रिय संक्रमित रहेका छन् । तीमध्ये होम आइसोलेशनमा ७४९ जना रहेका छन् भने संस्थागत आइसोलेशनमा २१ आइसीयुमा १२ तथा भेन्टिलेटरमा १ जनाको उपचार भइरहेको छ ।
वि.सं.२०७९ असार २८ मंगलवार १५:३९ मा प्रकाशित
