Sansar News
काठमाडौं । केही समय अघिमात्र निर्वाचन आयोगमा दर्ता भएको संचारकर्मी रवि लामिछाने नेतृत्वको राष्ट्रिय स्वतन्त्र पार्टीको प्रदेश संरचना गठन भएको छ ।
पार्टीको हालै सम्पन्न गण्डकी प्रदेशको भेलाले प्रदेशको सभापतिमा डा. ढाकाराम श्रेष्ठको नेतृत्वमा १६ सदस्यीय प्रदेश समिति गठन गरेको छ ।
समितिको सदस्यहरुमा अशोक खड्का, विकास भुर्तेल, नवीन केसी, श्याम सुनार, मनीषा थापा, सविता शर्मा, शीतल थापा, चित्रबहादुर थापा, मेघ आले, बोधराज रेग्मी, रुपभागत भण्डारी, विशेष पन्त चयन भएका छन् ।
विष्णु बनिन् कास्की जिल्लाको सभापति
त्यसैगरी कास्की जिल्ला समितिको सभापतिमा विष्णु गुरुङ ‘एकता’ चयन भएकी छन् । समाजसेवी तथा व्यवसायी विष्णु् गुरुङ लामो समय अमेरिकामा बसेर नेपाल फर्किएकी हुन् । अमेरिकामा नेपाली महिला विश्व संजाल क्यालिफोर्नियाको नेतृत्वमा रहेर नेपाली महिलाहरुको हकहितमा उल्लेख्य काम गरेकी गुरुङ नेपालमा पनि सामाजिक काममा त्यत्तिकै सक्रिय रहेकी छन् ।
वि.सं.२०७९ साउन ८ आइतवार १३:१९ मा प्रकाशित
