हामी सबैकाे संसारन्यूज

काठमाडौं । लक्ष्मी बैंकले १ अर्ब ६० करोड ३५ लाख नाफा कमाएको छ । बैंकले खुद नाफा अघिल्लो आर्थिक वर्षको तुलनामा गत आर्थिक वर्षमा १.७६ प्रतिशतले बढाएको हो ।

बैंकको अघिल्लो आर्थिक वर्षमा नाफा १ अर्ब ५७ करोड ५७ लाख रुपैयाँ रहेको थियो । बैंकको वित्तीय विवरणअनुसार खुद ब्याज आम्दानी १८.२७ प्रतिशत बढेको छ । यसअनुसार ४ अर्ब ८ करोड ८३ लाख ९६ हजार रुपैयाँ ब्याज आम्दानी देखिएको हो ।

बैंकले गत असार मसान्तसम्ममा बैंकको सञ्चालन नाफा २.१७ प्रतिशतले बढाएर २ अर्ब २८ करोड ४६ लाख ८६ हजार रुपैयाँ पुर्याएको छ । त्यस्तै, बैंकको कुल सञ्चालन आम्दानी ८.१७ प्रतिशत बढेर ५ अर्ब ६२ करोड ४० लाख २८ हजार रुपैयाँ पुगेको वित्तीय विवरणले देखाएको छ ।

वितरणयोग्य मुनाफा २५.०६ प्रतिशत बढेर १ अर्ब २५ करोड ५२ लाख रुपैयाँ पुग्दा बैंकको चुक्ता पुँजी ८ प्रतिशत बढेर ११ अर्ब ५५ करोड १३ लाख ४५ हजार रुपैयाँ, जगेडा कोष ११.१६ प्रतिशत घटेर ५ अर्ब ५० करोड ९० लाख ५ हजार रुपैयाँ रहेको देखिएको छ ।

बैंकले निक्षेप संकलन गत आर्थिक वर्षमा १ खर्ब ३७ अर्ब १४ करोड ७३ लाख गरेको छ । बैंकले कर्जा १ खर्ब २८ अर्ब १२ लाख ६९ हजार रुपैयाँ प्रवाह गरेको देखिएको हो । बैंकको प्रतिशेयर आम्दानी ८५ पैसा घटेर १३ रुपैयाँ ८८ पैसा रहेको देखिएको हो