Sansar News
काठमाडौं । नेपालमा कोरोना संक्रमित हुनेको संख्या दिनहुँ बढिरहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ५ हजार ५५ नमुना परीक्षणमा थप ६३८ कोरोना संक्रमित थपिएका हुन् ।
आज थपिएका ६३८ जनासँगै नेपालमा कोरोनाबाट संक्रमित हुनेको संख्या ९ लाख ८४ हजार ४७५ पुगेको छ ।
त्यसैगरी आज निको भएका २१८ जनासँगै हालसम्म निको हुनेको कुल संख्या ९ लाख ६८ हजार ८०२ पुगेको छ ।
त्यसैगरी आज कोरोना संक्रमणबाट २ जनाले ज्यान गुमाएका छन् । आज मृत्यु भएका २ जनासँगै नेपालमा कोरोनाबाट ज्यान गुमाउनेको संख्या ११ हजार ९५९ पुगेको छ ।
नेपालमा हाल ३ हजार ७१४ जना सक्रिय सक्रमित रहेका छन् । ती मध्ये ३,५८१ जना होम आइसोलेशनमा, १३३ जना संस्थागत आइसोलेशन र ३० जनाको आइसीयुमा उपचार भइरहेको छ । साथै १ जनाको भेन्टिलेटरमा उपचार भइरहेको छ ।
वि.सं.२०७९ साउन १० मंगलवार १६:१५ मा प्रकाशित
