Sansar News
काठमाडौं । पाँच देशका लागि नवनियुक्त राजदूतले राष्ट्रपति विद्यादेवी भण्डारी समक्ष गोपनियताको सपथ लिएका छन् ।
बुधबार राष्ट्रपति भवन शितलनिवासमा आयोजित सपथ ग्रहण कार्यक्रममा राजदूतहरु स्पेनका लागि शर्मिला पराजुली (ढकाल, जापानका लागि डा. दुर्गा बहादुर सुवेदी, गणतन्त्र दक्षिण अफ्रिकाका लागि दानबहादुर तामाङ, (रूसी महासंघका लागि डा. मिलनराज तुलाधर र डेनमार्कका लागि प्राडा राम स्वार्थ रायलाई राष्ट्रपति भण्डारीले सपथ ग्रहण गराएकी हुन् ।
उक्त कार्यक्रममा परराष्ट्रमन्त्री डा. नारायण खड्का लगायत नेपाल सरकारका उच्च पदस्थ अधिकारीहरूको समेत उपस्थिति रहेको बताइएको छ ।
वि.सं.२०७९ साउन ११ बुधवार १७:१३ मा प्रकाशित
